+0 بگندیم
امل درگیسی
امل درگیسی — مستجب اولکوسال و 9 دوستو طرفیندن 1 ژانویه 1930-جو ایلده رومانی‌‌نین حاکیمیتی آلتیندا اولان گونئی دوبروجا، حاجی اوغلو بازارجیق شهرینده نشر اولونان بیر مدنیت درگیسی‌دیر.[۱]
درگی قیریم موباریزه‌سینی تورک و دونیا ایجتیماعیتینه چاتدیران موهوم بیر مطبوعات اورقانی ایدی.
تاریخی
ایکینجی دونیا ساواشیندا آلمان‌لارین روسلارلا ایمضالادیغی موقاویله‌لردن سونرا رومانی‌یا گلمه‌لری، 11 ایل آرا وئرمه‌دن یاییملانان امل درگیسی‌نین باغلانماغینا سبب اولدو. تورکیه‌یه یئرلشن اولکوسال مستجب 20 ایل‌لیک فاصیله‌دن سونرا 1960-جی ایل نووامبرین 1-دن درگیسی آنکارادا یئنیدن نشر ائتمگه باشلادی. 1962-جی ایلین نووامبریندان سونرا درگی‌‌نین اینضیباطی مرکزی ایستانبولا کؤچدو. دایمی نشرینی، یئنی نسیل املچی‌لرین رهبرلیگی آلتیندا 1983-جو ایلدن 1998-جی ایله قدر، آنکارادا 48 صحیفه‌لیک درگی شکلینده داوام ائتدیردی.
امل قیریم وقفی‌نین عومومی ییغینجاغیندا، امل درگیسی‌نین 3 آیلیق مودتده 2008-جی ایلده یئنیدن نشر ائدیلمه‌سی قرارا آلیندی. درگی‌‌نین صاحیبی امل قیریم وقفی آدیندان ظفر قاراتای، باش رداکتورو ایسه سایم عثمان قاراخان ایدی. امل درگیسی‌نین 2011-جی ایل سپتامبر آیی نین 236-جی سایی ایله بیر داها نشر حیاتینی باشا ووردو.
23 آوریل 2015-جی ایلده سایم عثمان قاراخا‌نین اؤلوموندن سونرا ایستانبول قیریم درنگی‌نین نشر اورقانی‌نین باش رداکتورو اؤزگور قاراخان 2016-جی ایلده بو وظیفه‌یه تعیین ائدیلدی.[۲]
درگی نشری عؤمرونو بیرلشمیش ایل‌لیک نؤمره‌لری ایله داوام ائتدیریر. 246/249 (2014) ایلده بیرلشن قیریمین ایشغالینا دایر خوصوصی مسله 2017-جی ایلین ژانویه‌سینده چیخمیشدیر.
حاقیندا
نیظامنامه‌یه اساساً، نشر تورک دیلینده آپاریلدی، درگی‌‌نین دیلی ساده و باشا دوشولن اولمالی‌دیر، لهجه‌لرده و لهجه‌لرده یازیلمیش متن‌لرین دَییشمه‌دن چاپ اولونماسی طلب اولونوردو. نشر هئچ بیر سیاسی پارتییا‌نین ماراق‌لارینی تمثیل ائده بیلمز، تورک خالق‌لاری‌نین حوقوق و منافع‌لری‌نین یالنیز دموکراتیک پرینسیپ‌لر چرچیوه‌سینده قورونماسینا چاغیریر. درگیده تورک دونیاسی ایله باغلی خبرلرین یاییملانماسی پلان‌لاشدیریلیردی، عومومیتله، امل تورک دونیاسی‌نین بیرلشدیریجی و تشکیلاتچیسی حساب اولونوردو. لاکین زامان کئچدیکجه تورک-موسلمان دونیاسی نین پروبلم‌لریندن اولان امل درگیسی‌نین مضمونو قیریم تاتارلاری‌نین میلّی آزادلیق حرکاتینا یؤنلندیریلدی.
"امل" میلّی مدنیتین اینکیشافینا موهوم تؤحفه وئرمیش، دیاسپورالاردا یاشایان قیریم تاتارلارینا کؤکلرینی، منشالرینی اونوتماماغا کؤمک ائتمیش، اونلار اوچون معنوی قیدا اولان "ایستک" اولموشدور. اونو دا قئید ائدیم کی، "امل" درگیسی 20.عصر قیریم تاتارلاری‌نین تاریخی، اتنوقرافیاسی، ایجتیماعی-مدنی و ایجتیماعی-سیاسی حیاتی ایله باغلی دَیرلی منبعیی حساب اولونور.
درگی‌‌نین باش رداکتورلاری
- مستجب اولکوسال (1930-1941)
- حسام‌الدین قورقود (1960-1962)
- فرید اردم بورای (1962-1965)
- ابراهیم اوتار (1965-1972)
- علی کمال گؤیقیرای (1972-1983)
- نورالدین ماهر آل‌توغ (1983)
- اونسال آغداش (1984)
- سردار قاراتای (1985-1998)
- سایم عثمان قاراخان (2009-2015)
- اؤزگور قاراخان (2016
اتک یازی‌لار
- Emel dergisi". emelvakfi.org. 11 iyun 2020 tarixində arxivləşdirilib.
- "Emel Dergisi'nde görev değişikliği". qha.com.
کؤچورن: عباس ائلچین
