ائلچین

تورک دیلی و ادبیاتی

ای حسینه آغلایانلار آغلایین اؤز حالیزا

+0 بگندیم
ای حسینه آغلایانلار آغلایین اؤز حالیزاعلی اکبر حداد

ایندی آغلیر کربلا شاهی سیزین احوالیزا

راد مردان خدا اؤلمز همیشه زنده دیر

سیز اؤلورسوز باخمایین بو جارو بو جنجالیزا

امت بی غئیرتی نئیلر امام تشنه لب؟

احتیاجی بوخ سیزین بیر قطره اشک آلیزا

آغلاماق وئرمز نتیجه ، عزت دین اولماسا

یا گولون  یا آغلایین  یا   کول یاخین ساققالیزا

شیمردن آرتیق حسینه سیز اذیت ائیله دیز

ای خلاف شرع ائدنلر! بیر باخین اعمالیزا

شیمر بیر دفعه حسینی اؤلدوروب ، مین دفعه سیز

اؤلدوره رسیز گر دوشه ایندی سیزین چنگالیزا

سؤزلریز غیبتدی ، بؤهتاندی، یالاندی ایفتیرا

نه وئره ر  آللاه سیزین بو خشگه قیل و قالیزا

بیر بئله داد و فغان  ائتدیز حسینه آغلادیز

ای منافیق لر! نه آلدیز باغلادیز دسمالیزا؟!

نور چشم مصطفی، محبوب رب العالمین

دوز مسلمانی سئور آند اولسون استقلالیزا

خامس آل عبانی  بیلمه دیز مقصودینی

ایسته دی رونق وئره سیزین اجلالیزا

شرقدن غربه گره ک سیز اولایدیز حکمران

لیک سیز آماده سیز ایندی اؤز اضمحلالیزا

پاکدل انسان سیزی گؤرسه یقین  گمراه اولار

کیم سیزی ناپاک ائدیب لعنت گله غسالیزا

خلقی شئیطان توولایاندا ،  توولویورسوز شئیطانی سیز

مات و حئیران قالمیشام بو شیوه اغفالیزا

یا گلین بو درگه سلطانه  سیز اصلاح اولون

یا گئدین تابع اولون بیر دفعه اؤز دجالیزا!

اهل قرآن سیز اگر، قرآنیله  رفتار ائدین

ناطق قرآن سیزین باخسین گؤزل اعمالیزا

زیر بار ظلمه او عالمده بیر آن گئتمه دی

سیز ولی بیر عؤمر آلدیز  بار ذلت دالیزا

لعنت پروردگار اولسون گؤروم صبح و مسا

پیی پارافیندن قاییرما یاغ ساتان باققالیزا

واردی بیر عده حسینچی  پاکدامن  بی ریا

نه سیزه بنزه ر اولار، نه سیزین امثالیزا

من سیزه آللاهدان  هر وقت توفیق ایسته رم

سیزه توفیق ایسته یین « حداد» تک نقالیزا.

                                                   

   قوشانی:  رحمتلیک علی اکبر حداد