+0 بگندیم
ایلهان برك دن بیر نئچه شئعیر (۲۰۰۸-۱۹۱۸)
گوزل
اؤلوم داها قولایدیر سئومكدن
آنلا كی اؤلومه بنزر سنی سئومك
سؤزجوكلر كی آلاودیر
و قارادیر شاعیرلرین حیاتلاری
هم نئجه شئعیرلرده نئجه عشقلرده
دارایار ساچیمیزی اؤلوم.
عشق كی بعضاً سولغون بیر بؤلگه دیر
سوردورور درینلیگینی
ندن " ان چوخ " آجی اوستاسی شاعیرلردیر
ان چوخ داشیرلار چونكو عشقلری.
من كی یاتاغیمدان تدیرگین بیر سویام
بس بللی كی عشقه و اؤلومه چالیشیرام.
یاواش یاواش گئچدیم قالابالیقلارین آراسیندان
یاواش یاواش گئچدیم قالابالیقلارین آراسیندان
بیر دنیز چارپماسی كیمی چوخالدا چوخالدا گئچن
گئچدیگی یئری
یاواش یاواش چیخدیم ایچیمدن.توخوندوم
یاواش یاواش آجییا،كووارتزا،شئعیره
یاواش یاواش دارتدیم سویو،آنلادیم ندیر آغیرلیق
قوخولار
جوغرافیا.
اَییلدیم سونرا گؤودنی تانیدیم و دوزه نینی
گؤردوم سسسیزلیگین دومدوزلوبونو
گؤردوم یئنه لنمه دی گؤردویوم هئچ بیر شئی
بئله یاواش یاواش گئچدیم اینساندان اینسانا
اینسانلاشدیردیم یاواش یاواش دیشیمی
بئله قاریشدیم قالابالیقلارا
قالابالیقلاشدیم بئله جه..
گونشی یاخانلارین سلامی
بیر ذؤوق دویولماز اولدو، بورانین روزگارلاریندان
حیات سولدو بیر گونون انگینلرینده یئنه.
سلام! سونسوزلارین یورغون كؤنوللرینه
سلام: گونشی ایچَرن چوجوقلارین دییاریندان! ...
بیر آتش یاخالیم كی گئچمه سین حتتا بیر آن
و سوسسون قوردلار، قوشلار بیر گؤی گورولتوسویله؛
بیر آتش یاخالیم كی، توتوشسون گؤیلر بئله
و گونش ایچیلسین او گون، قیزیل چاناقلاردان! ...
وارسین اسكیسین سسیم ایتیرسین آهنگینی
گئجه لر قیسقانماسین آیدینلیغا سوسونو.
دوناتسین سونسوزلوقلار كیمی غوروبون رنگینی
سؤیله سین و اوزاقلار باهارین توركوسونو...
نه لر، نه لر بكلنمز نهایت سیز بیر یئردن
گونشی ایچه لیم مور شافاقلار گئجه سیندن.
سلام! سونسوزلوقلارا، حسرتلی كؤنوللردن،
سلام، گونشی، گؤیو یاخانلار باغچاسیندا! ...
گؤزل ایرماق
كیچیگیم، بو سنین سسین، گؤزل ایرماق
اؤنجه روزگارین اؤپدویو، سونرا منیم اؤپدویوم
بو بیتمه میش شئعیرلر سنین آیاق بیلكلرین
سولوغون، قوخون، قارنین،كؤلگه لی گؤزلرین
بو بئله چؤزولو كؤكسون، ائنینه بویونا دوداقلارین
صاباحلارا قدر كی بؤیوك گؤزلرین بئله
بو دال كیمی لیگین، ساچلارین، قیرمیزی آغزین
بو اوستونده اونجا سئویشدیگیمیز یاتاق سونرا
سونرا بو منیم آنی آرتیغی اسكی اوزوم
توكلرین، دای بوینون، كیچیجیك چوجوق اللرین
بئله یوخاریدان آشاغی گئدیرم سنی
قاریشیر، قورخونج، اللریمیز آیاقلاریمیز
حئكایه
هر شئی بیر گئجه ایچینده اولدو
سحر ائركن هر شئی تامامدی.
بو گؤردویونوز گؤی اوزو
ایلك دفعه گلیب یئرینی آلدی
گؤی اوزونون گلمه سی ایله ایدی
دونیادا بؤیوك بیر دییشیكلیك اولدو
مثلا، اووالار داها او گون
یالقیزلیقلارینی اونوتدولار
بو ایندی السیز آیاقسیز كیمی دوران گئجه
او زامان آغاجا یوروین بیر سو كیمی گلیردی
گؤی اوزونون همن آرخاسینداندی
دنیزلری گؤردوك
باخدیم بیر قوش ایلك دفعه كئفلی كئفلی
باخدیم اوچوردو
آخشاما دوغرویدو
بیتكیلرله، حئیوانلارلا سلاملاشدیق
هئر شئی یاشاماغا حاضیرلانیردی
هئر شئی گلیر گلمز حیاتلارینی
هیمالایا-لار، آنت-لار، ائرجییئش-لر
بیر داها قیمیلداماماق اوزره یئرلشیردیلر
هركس عاغلیندان گئچیردیگی قدر بیر یئری
دونیادا قولایجا بولموشدو
گؤی اوزونده، یئرده
هر آغاجین، هر داشین بیر یئری واردی
خاطیرلایارام كیچیك كیرلی بیر بولود
دورموش، اولوب بیتنلری سئیر ائدیردی
دونیایا نه اوچون بو قدر گئج گلدیگینی
الینده اولسا توتوب سوراجاقدی
ایندی بو گئجه نی، بو اولدوزلاری فوؤق العاده بولورسونوز آما
بو هئچ ده قولای اولمادی
ان باشدا، باشی بوش آتلار كیمیدی چایلار
بو شئعیره گیرمه دن اؤنجه
هر شئی یئرینی آلیردی سیراسی گلدیكجه
ایلهان برك بوتون بونلاری گؤروردو.
حاضیرلایان : عباس ائلچین
