Azərbaycan xalq gülməcələri (4) 

Abbas Elçin

Erkək bulud

    Bir gün Musa həzrətləri Tur-sinaya gedəndə, dağda kəndin çobanı ilə qarşılaşır. Çoban qoyunları dərədə yayımış özüdə bir daşa söykənib mahnı oxuyurdu. Musa əsənləşəmədən göydəki qara buludu çobana göstərərək üstünə çımxırır:

- Ay çoban! o qara buludu görmürsənmi? tez ol qoyunları dərədən eşiyə çıxart, yağış yağıb sel daşlanar qoyunları aparar!

    Çoban gülə- gülə:

- Ey tanrının böyük yalavacı! o bulud erkəkdir, yağmaz- deyir.

    Bu yanıt musaya ağır gəlir:

- Buludun erkək- dişisi olmaz?!.. mən deyirəm yağacaq səndə de yağacaq!..

   Çoban bir şey deməyib mahnı oxumağını sürdürür.

   Musa tanrı qatına çatıb astanasında alın yerə sürtdükdən sonra:

- Tanrım! olanlar özünüzə aydındır, o qara buludu haçan yağdırtdıracaqsınız‍‍?- deyir.

   Tanrı gülümsəyib:

- Ey Musa! o bulud erkəkdir yağmaz!..- deyir- təkcə dişi buludlar yağar.

   Musa darılır:

- Tanrım! o qara bulud yağmasa mən el içində biır pulluq olaram, artıq kimsə mənim dedikəlrimə inanmaz, sizə yalvarıram o buludu yağdırtdırasınız.

   Tanrı, Musanı qırmayıb erkək buludu yağdırtdırır!!

   Musa qayıdan baş görür çoban oturub baş- gözünə tapdayaraq ağlayır.

- Çoban qardaş mən sənə demədimi qoyunları dərədən çıxart yağış yağar, sel gələr?!

    Çoban vaysına- vaysına :

- Allah baisin balalarını öldürsün- deyir.- Allahda bilir o erkəkidi!!