+0 بگندیم
سراب خانلیغی
سراب خانلیغی –آذربایجان اراضیسینده خانلیق. (18. عصرین 40-جی ایللری – 19. عصرین اوّللری). اراضیسی اردبیل، قاراداغ، تبریز، ماراغا خانلیقلاری و ایرانلا حودودلانیردی. مرکزی سراب شهری.
عومومی معلومات
سراب خانلیغی‌نین اساسی شقاقی طایفاسی‌نین باشچیسی علی خان (1747-1786) طرفیندن قویولموشدور. نادر شاهین اؤلوموندن سونرا پایتاختداکی قاریشیقلیقدان ایستیفاده ائدن علی خان اؤزونو هم‌طایفالاری آراسیندا خان ائلان ائتدی. او، محمدحسن خان قاجارلا موباریزه‌ده اؤز موستقیل‌لیگینی قورویوب ساخلاسا دا، کریم خا‌نین نومینال حاکیمیتینی قبول ائتمگه مجبور اولموشدو.
علی خا‌نین اؤلوموندن سونرا حاکیمیته صادیق خان شقاقی گلیب. صادیق خا‌نین حاکیمیتی دؤورونده سراب خانلیغی یئنیدن موستقیل‌لیگه نایل اولموش، اؤز سرحدلرینی گئنیشلندیرمگه جهد گؤسترمیشدی.
صادیق خان خانلیغین ایداره سیستئمینی نیظاما سالدی، مودافیعه‌سینی تشکیل ائتدی. ایران طرفدن تهلوکه‌نی نظره آلاراق خان تیتولو وئردیگی قارداشی علی بیگی زنجانا حاکیم تعیین ائتدی. صادیق خان تبریزی اله کئچیردی. لاکین اورمیه، قاراباغ و باشقا خانلیقلاردان کؤمک آلان نجفقولو خان دونبولی صادیق خانی گئری چکیلمگه مجبور ائتدی. سراب خانلیغی‌نین اراضیسی قاجارلار دؤولتی‌نین ترکیبینه قاتیلدی.
خانلاری
علی خان (1747-1786)
صادیق خان شقاقی (1786-1800)
جهانگیر خان شقاقی (1800 - 1822)
خانلیغین اینضیباطی قورلوشو
گرمرود ماحالی
قایناقلار:
- آذربایجان تاریخی. یئددی جیلدده. 3. جیلد (13-18عصرلر). باکی."عئلم". 2007. 592 ص.
- جنوبی آذربایجان خانلیقلاری
- آذربایجان خانلیقلاری
- انور چینگیزاوغلو، سراب خانلیغی، باکی: موترجیم، 2013، 212 ص
کؤچورن: عباس ائلچین
