+0 بگندیم
قاراداغ خانلیغی
قاراداغ خانلیغی – 1747-جی ایلده آذربایجاندا یارانمیش فئودال دؤولت اولموشدور. مرکزی اهر شهری ایدی. غربدن خوی خانلیغی، شرقدن لنکران خانلیغی، جنوبدان تبریز و اردبیل خانلیقلاری ایله حودودلانیردی.
تاریخی
قاراداغلی طایفاسی صفویلرین حاکیمیته گلمه‌سینده فعالیت گؤستردیگیندن 1. شاه اسماییلدان باشلایاراق قاراداغ ویلایتی‌نین ایداره‌سینه نایل اولا بیلمیشدی. 16. عصردن 19. عصرین اوّللرینه‌دک قاراداغ ویلایتی‌نین ایداره‌سی ایرثی اولاراق موعین نسیل اوزره اولموشدو. اونلار هم ده روحانی صلاحیتلرینه مالیک ایدی. 18. یوزیلین اوّللرینده صفوی سولاله‌سی ضعیفله‌دیگیندن حاکیم کاظم خان مرکزی حاکیمیته تابئع‌چیلیکدن چیخمیش، شاه سلطان حسین‌ین ائحتیرامینا لاییق گؤرولن روس آ.وولینسکینی اهره قویمامیشدی. نادر مرکزی حاکیمیته تابئع اولمایان خانین گؤزلرینی چیخارتدیرمیشدی. نادرین اؤلوموندن سونرا قاراداغ خانلیغی موستقیل‌لشمیش، کاظم خان قاراداغ خانی اولموشدو.
کاظم خان 18.یوزایلین اورتالاریندا قاراباغ، گنجه و ناخچیوان خانلاری ایله بیرلیکده شکی خانلیغینا قارشی ایتّیفاقا قوشولموشدو. بو ایتّیفاق مقصدینه نایل اولا بیلمه‌میشدی. قاراداغ خانی قاراباغ خانلیغینا، کریم خان زندده (1761)، سونرا ایسه آغا محمد قاجارا (1791) تابئع اولموشدو.
قاراداغ خانی عباسقولو خان19. یوزایلین اوّللرینده پ.سیسیانووا مکتوب یازاراق روسیه‌یه صادیق قالاجاغینی بیلدیرمیش، لاکین 1804-1813-جو ایللر روس-ایران موحاریبه‌سینده روسیه‌یه قارشی چیخمیشدی.
خانلاری
کاظم خان (محمدکاظم خان) (1747-1763)
مصطفی‌قولو خان (1763-1782، 1786-1791)
اسماییل خان (1782-1783، 1791-1797)
نجفقولو خان (1783-1786)
عباسقولو خان (1797-1813)
محمدقولو خان (1813-1828)
قایناقلار
- جنوبی آذربایجان خانلیقلاری
- آذربایجان خانلیقلاری
- قاراداغ، ایران
- انور چینگیزاوغلو. قاراداغلیلار. باکی، "شوشا" نشریاتی، 2008. – 160 ص.
- انور چینگیزاوغلو، قاراداغ خانلیغی، باکی، "موترجیم" ،2011. – 212 ص.
- انور چینگیزاوغلو، قارشی یاتان قاراداغ. باکی، "اوزان" ،1998.– 192 ص
کؤچورن: عباس ائلچین
