آذربایجان فیلسوفو: تاج‌الدین محمد اورموی

تاج‌الدین محمد حسن اوغلو اورموی (1177-1255) — آذربایجان فیلوسوفو، حوقوقشوناس و ایلاهیاتچی. 
 

یاشاییشی 
تاج‌الدین محمد اورموی بغداددا یاشامیش، شرفیه مدرسه‌سینده درس دئمیشدیر. زکریا قزوینی و عبدالرشید باکووی اونون اؤز زمانه‌سینده دینین اساسلارینی، حوقوقو، حیکمتی و ادبیاتی میثیلسیز شکیلده بیلدیگینی گؤسترمیشلر. تاج‌الدین اورموی ایرثی‌نین یئگانه تدقیقاتچیسی آمئا-نین موخبیر عوضوو ذاکر محمدوو موتفکّیرین 1255-جی (هیجری 653-جو) ایلده 80 یاشیندا وفات ائتدیگینی یازمیشدیر. 
آذربایجان عالیمی‌نین یارادیجیلیغیندا میلادی 1218-جی، یاخود 1219-جو (هیجری 614-جو) ایلده تاماملادیغی "محصولدان حاصیل ائدیلن کیتاب" داها مشهوردور. فخرالدین رازی‌نین اثری اساسیندا یازیلمیش بو خولاصه‌نین 1295-جی ایلده کؤچورولموش بیر نوسخه‌سی قاهیره‌دهخدیویه کیتابخاناسی‌نین الیازماسیدیر. تاج‌الدین اورموی ترجومه‌چیلیک ایله ده مشغول اولموش، 1228-جی ایلده دمشقده موعلّیمی و دوستو فخرالدین رازی‌نین منطیقه و فلسفه‌یه دایر "ایلاهی حقیقتلر حاقیندا کمال‌الدین رساله‌سی" اثرینی فارسجادان عرب دیلینه چئویرمیشدیر. 

قایناقلار
 ذاکیر محمدوو. اورتا عصر آذربایجان فیلوسوفلاری و موتفکّیرلری. باکی، 1986

 ذاکیر محمدوو. آذربایجاندا 11-13 عصرلرده فلسفی فیکیر. باکی، 1978

ذاکیر محمدوو. آذربایجان فلسفه‌سی تاریخی. باکی، 1994

کؤچورن: عباس ائلچین