ساری آشیق — بایاتی اوستادی.[1]

یاشاییشی

17. عصر آذربایجان آشیقلاریندان اولان ساری آشیغین دوغوم و اؤلوم تاریخی دقیق معلوم دئییل. ساری آشیق لاچین رایونونون گوله‌بیرد کندی‌نین یاخینلیغیندا، هَکَری چایی‌نین ساغ ساحیلینده 17-19 عصرلرده مؤوجود اولان و حاضیردا خارابالیقلاری قالان قاراداغلی کندینده آنادان اولموش، یاشامیش و قاراداغلی کندی‌نین یاخینلیغیندا حاضیرکی گوله‌بیرد کندینین اراضیسینده دفن اولونموشدور.

آشیغین قبری زنگه‌زور ماحالی‌نین، ایندیکی لاچین رایونونون گوله‌بیرد کندینده، هَکَری چایی‌نین یاخینلیغیندادیر. قبرین باش داشینا اونون خیالی شکلی ده حک اولونموشدور.

ساری آشیق حاقدا ایلک معلوماتی حسنعلی خان قاراداغی وئرمیشدیر. اؤز هم‌یئرلیسی، اصلی قاراداغدان اولوب زنگه‌زورون گوله‌بیرد کندینه کؤچموش ساری آشیق حاقّیندا وئردیگی معلوماتا، ساری آشیغین بایاتی و قوشمالارینا گؤره آذربایجان ادبیاتشوناسلیغی محض حسنعلی خان قاراداغی‌یه بورجلودور. "ساری آشیق حاقّیندا ایلک معلوماتی 19. عصرده یاشامیش قاراداغی وئرمیشدیر".[2]

آرخئولوقلار 1927-جی ایلده قبری آچاراق اونون 17. عصرده یاشادیغینی ثوبوت ائتمیشلر.

ساری آشیغین حیاتییلا باغلی خالق آراسیندا "یاخشی و آشیق" داستانی تشکّول تاپمیشدیر.

ساری آشیق اساسن بایاتیلارییلا تانینیر. او، "بایاتی قوشماق قادین ایشیدیر" دئینلره مئیدان اوخویاراق یارادیجیلیغیندا بو ژانرا اوستونلوک وئرمیشدیر.

آشیق اساسن اخلاقی مسله‌لره توخونان بو بایاتیلاریندا جیناسلاردان چوخ اوستالیقلا ایستیفاده ائتمیشدیر.

شئعیرلرینده آتالار سؤزلرینی و مثللری تئز-تئز ایشله‌دن ساری آشیق چوخلو سایدا سئوگی شئعیرلرینین ده مؤلیفیدیر.

1993-جو ایلده ائرمنی وانداللاری ساری آشیغین قبرینی تامامیله داغیتمیشلار.

ائرمنی وانداللاری ساری آشیغین قبرینی تمامامیله داغیدیبلار

کیتابلاری

ساری آشیق. سئچمه بایاتیلار. ترتیب و اؤن سؤز: حسین کورد اوغلو. باکی: صاباح، 1993، 120 ص.

ساری آشیق. شئعیرلر. ترتیب و اؤن سؤز: اهلیمان آخوندوو. باکی: آذرنشر، 1966، 90 ص.

ساری آشیق. گول دفتری. باکی: "عادل اوغلو" ،2011، 242 ص. (توپلایانی و ترتیب ائدنی: ایلهام قهرمان).[3]

ادبیات

• پ.افندییئو. آذربایجان شیفاهی خالق ادبیاتی. باکی: 1981، ص. 191-193.
• آذربایجان ادبیاتی تاریخی. بیر جیلد. باکی: 1960، ص. 491-495.
• میرزاده مصطفی فخرالدین. آذری آشیقلاریندان ساری آشیق. آذربایجان یورت بیلگیسی،3 (28)، نیسان 1934،ص.176-178
• تئللی ساز اوستادلاری. باکی: 1964، ص. 7-10.
• واقف ولی‌یئو. آذربایجان فولکلورو. باکی: 1985، ص. 142-146.
• آذربایجان آشیقلاری و ائل شاعیرلری. 1. جیلد. باکی: 1983، ص. 88-92.
• "لاچین یوردو" ژورنالی، نومره 1(1)، 2011، باکی، "عئلم و تحصیل" ،2011
• پیرسلطانلی، س. ساری آشیغین پوئزییاسی //خالق جبهه سی.- 2012.- 6 دئکابر.- ص. 14.

ایستینادلار:

1.  قاسملی، م. بایاتیلاریمیزین حئیرت هئیکلی: ساری آشیق //ادبیات قزئتی.- 2015.- 5 سئنتیابر.- ص.20-21..
2.  (1993) "ساری آشیق". باکی: "صاباح".
3.  اوغور. ساری آشیغین "گول دفتری": [آتاتورک مرکزینده ساری آشیغین عئینی آدلی کیتابی‌نین (توپلایانی ایلهام قهرماندیر) تقدیماتی] //خالق جبهه سی.- 2012.- 31 یانوار.- ص. 14..

کؤچورن: عباس ائلچین