ائلچین ELÇİN

تورک دیلی و ادبیاتی

تکه، تکه‌مچی

+0 بگندیم


تکه، تکه‌مچی- نوروز بایرامی‌نین و یازین گلمه‌‌سینی ماهنی اوخوماق و تکه دولاندیرماقلا خبر وئرن عنعنه‌وی ائتنوقرافیک موژده‌چی

جناب جبریل نامه گتیردی 
گتیرجه‌یین پئیغمبره یئتیردی 
موبارک قوْللارین گؤیه گؤتوردو 
سیزین بو تزه بایرامینیز موبارک 
آیینیز، ایلینیز، هفته‌نیز، گونونوز موبارک 

بیزیم یئرده یومورتانی یویارلار 
اونو دؤنوب یئددی رنگه بویارلار 
یئددی‌سینده تحویل اوسته قویارلار 
سیزین بو تزه بایرامینیز موبارک 
آیینیز، ایلینیز، هفته‌نیز، گونونوز موبارک 

بیزیم یئرده قوهون قارپیز اکرلر 
اونو تامام شهرلره تؤکرلر 
تزه ایلین حسرتینی چکرلر 
سیزین بو تزه بایرامینیز موبارک 
آیینیز، ایلینیز، هفته‌نیز، گونونوز موبارک

تکه‌نین سووقاتی

تکه (تکه‌مچی) هر ائوین کی قاپیسیندا شئعیر اوخوسا  و بایرامین گلمه‌یین موژده وئرسه، ائو صاحیبیندن موشتولوق آلار کی اونا پای دئییلر، همچنین تکه‌مچی اؤزوده شئعیر ایله موکافاتلاندیریلماسینی خاطیرلایار: 

آی تکه‌مین کندی وار 
کمندی وار کندی وار 
هر قاپیدا اویناسا 
بیر نعلبکی قندی وار 

تکم اؤلدو ایپین گتیر آی خانیم 
چاتدیقجا یوکون گتیر آی خانیم 
کسمه پایین بوتؤو گتیر آی خانیم

تکم‌چی نغمه‌لری

تکه‌م، تکه‌م، آختا تکه‌م،
بوینوندا وار نوختا تکه‌م.
توکلری بیز-بیز اولوب
قیشدا یئییب شاختا تکه‌م.
تکه‌م بیر اویون ائیلر،
قوزونو قویون ائیلر.
ییغار گیلانین دویوسون،
چپیش بیگین تویون ائیلر.
تکه‌م گئتدی خانلیغا،
اوز قویدو یامانلیغا.
تکه‌می اؤلدوردولر
آتدیلار سامانلیغا.
تکه‌م گئتدی مرنده
تاماشادی گلنده،
یاخشی اینسان چوخ یاشار،
وای پیسه‌دی اؤلنده.

بو تکه آختا تکه،
بوینوندا وار نوختا تکه.
یایدا قول اولار ساتیلار.
قیشدا چیخار تاختا تکه.
بو تکه یاریش تکه،
کردینی بیر قاریش تکه.
کئچی ایله کوسوشموش،
چپیش ایله باریش تکه.
سایا، سایا سایادان،
تکم گلیر قایادان.
تکمه آرخالیق وئر،
خانیم ائوین آبادان.
تکمه بیر پای گتیر،
توکلرینی سای گتیر.
تکمی تئز یولا سال،
اؤزونه بیر تای گتیر.
بو تکه آریق تکه،
آی دابانی یاریق تکه.
ییغار قویون-قوزونو
بایرامی پیشواز ائیلر. 

قایناق:

کؤچورن: عباس ائلچین


آچار سؤزلر : آذربایجان,