عظیم عظیم زاده

عظیم‌زاده عظیم آسلان اوغلو (7 مای1880-15 اییون 1943)- آذربایجانلی رسّام، آذربایجانخالق رسّامی(1927)، امک قهرمانی01927)،آذربایجان کاریکاتورا صنعتی‌نین بانیسی.

یاشاییشی

گنج عظیم عظیم‌زاده

عظیم عظیم‌زاده 1880-جی ایلین آپرئل آییندا نوْوخانی کندینده آنادان اولموشدور. یارادیجیلیغی بویو عصرلردن بری فورمالاشانتبریز آذربایجان مینیاتور مکتبی‌نین و روسرسّاملیق مکتبی‌نین عنعنه‌لریندن بهره‌لنمیشدیر. رسّاملیغا مشهور  " موللا نصرالدین "  ژورنالیندا اؤز اثرلرینی درج ائتدیرمکله باشلامیشدیر. 1906-جی ایلدن  "موللا نصرالدین " ،  " بارابان " ،  " زنبور " ،  "طوطی " ،  " کل نیت "  و سایر ژورناللارین صحیفه لرینده ساتیریک قرافیک کاریکاتورالارینی نشر ائتدیرمکله آذربایجان ساتیریک قرافیکاسی نین اساسینی قویموشدور.  

عظیم زاده نین اثرلری نین اساس مؤعوضوسونو سوسیال تضادلار، عادتلر و خالقین معیشتی تشکیل ائدیردی. جمعیتین موختلیف طبقه‌لری نین منفی عونصورلری - خسیس تاجیرلر، شارلاتانلار اونون ساتیریک قلمی نین هدفینده اولوردولار.

  او، اؤز اثرلرینده منفی صورتلری گاه کسرلی یومور، گاه یومشاق کینایه ایله کسکین ساتیرا آتشینه توتوردو. چکدیگی  " ایت بوغوشدورما " ،  " کیشی آروادینی دؤیور " ،  " وارلی ائوینده توی " ،  " سو اوستونده داعوا " ،  " کؤهنه باکی‌لی لار "  کیمی اثرلرینده موختلیف سوسیال طبقه لره مخصوص تیپلرین ایچ اوزونو آچاراق عدالتسیزلیگه قارشی چیخیش ائدیردی. بو معنادا، او دؤورده جمعیتده کی  سوسیال عدالتسیزلیکلری اؤزونده داها قاباریق عکس ائتدیرن  " کؤهنهباکی تیپلری "  و  " 100 تیپ "  اثری خوصوصیله تقدیره لاییقدیر.

ع.عظیم زاده ساتیریک شاعیر م.ع.صابیرین  " هوپ هوپ نامه " سینه چکدیگی ایللوستراسییالارلا کیتاب قرافیکاسی صنعتی نین ده اساسینی قویموشدور. اونون تئاترلارا چکدیگی گئییم ائسکیزلری و دئکوراسییالار آذربایجان رسّاملیغی نین بو ساحه‌ده کی اینکیشافینا خوصوصی تکان وئرمیشدیر. اثرلری دونیانین بیر سیرا موزه‌لرینده نوماییش ائتدیریلن رسّامین ایلک فردی سرگیسی 1940-جی ایلده تشکیل اولونموشدور. باکیدا کئچیریلن بیرینجی سرگیده تاماشاچیلار رسامین 1200-دن چوخ اثرینه تاماشا ائده بیلمیشلر. 1920-1943-جو ایللرده ع. عظیم زاده آذربایجان رسّاملیق تئخنیکوموندا موعلّیم، 1932-1937-جی ایللرده ایسه دیرئکتور اولموشدور.

کؤچورن: عباس ائلچین

قالری