ائلچین ELÇİN

تورک دیلی و ادبیاتی

زنبور (ژورنال)

+0 بگندیم

زنبور (ژورنال)
ویکی‌پئدییا، آچیق ائنسیکلوپئدییا 

""زنبور" (ژورنال) — 1909 -1919-جو ایللرده آذربایجاندا نشر اولونان هفته‌لیک ادبی، ایجتیماعی، ایللوستراسییالی ساتیریک ژورنال

حاقّیندا
""زنبور" تورکجه موصوّیر هفته‌لیک مضحکه مجموعه‌سی ایدی. ژورنال "موللا نصرالدین" ژورنالی‌نین ساتیرا عنعنه‌لریندن بهره‌له‌نیردی. ژورنالین ایلک نؤمره‌سی 1909-جو ایل مارتین 13 -ده جومعه گونو ایشیق اوزو گؤروب. ژورنالدا آذربایجان تئاترینا، صحنه صنعتی اوستالارینا، او جومله‌دن او.حاجی‌بیگووا قارشی حاقلی-حاقسیز هوجوملار ائدیلیردی. او.حاجی‌بیگوو "زنبور" ژورنالی حاقیندا رأی یازمیشدی: 
یازیق قلم، یازیق اوخوجولار، یازیق ادبییّات کی، تربییه‌سیزلر الینه دوشوبدور! نیفرت، نیفرت اولسون موقدّس قلمی غرضی-شزسی آلتی ائدنلر، نیفرت! 
او، هم ده مطبوعاتدا "زنبورچو"لارا آچیق مکتوبلا چیخیش ائتمیشدیر. 

"زنبور"-ون صاحیبی و ناشیری حکیم، یازیچی، ایجتیماعی خادیم میرزه عبدولخالیق آخوندوو، بیرینجی ایلده 21-جی نؤمریه‌ده‌ک مسئول مودیری ایسه ریضا بَی سولئیمخانوو اولموشدور. ژورنالا ایلین یاریسیندا 22-جی نؤمره‌دن سونرا ع.عظیم‌زاده مودیرلیک ائتمیشدیر. او، همچنین ژورنالین اساس رسّامی ایدی. بیرینجی ایل "زنبور" 42 نؤمره نشر ائدیلمیشدیر. ایکینجی ایلده بیرینجی نؤمره‌دن اعتیبارن "زنبور"-ون مودیری کنیاز مورتوزا پالاواندوو، ناشیری ایسه حکیم عبدولخالیق آخوندوو اولموشدور. اییول آیی‌نین 25-دن 1910-جو ایلدن، "زنبور"دا (22 - جی نؤمره‌دن) علی‌عابباس موذنیب باش موحریرلیگی قبول ائتمیشدیر. 1910-جو ایل اوکتیابرین 15-نه کیمی 28 نؤمره‌سی چیخمیشدیر. آذربایجان خالق جومهوریتی دؤورونده حؤکومتین اورقانی اولوب و 24 نؤمره‌سی نشر ائدیلمیشدیر. 1918-جی ایلین آپرئل-نویابر آیلاریندا چاپ اولونان "زنبور"-ون تأسیسچیسی "تورک نشریات جمعییتی" ایدی.

امکداشلار
ژورنالدا میرزه علی اکبرصابیر، علی نظمی،عابباس صحّت، علی‌عابباس موذنیب، صمد منصور، حاجی قاسیم سیاح و باشقالاری فعال ایشتیراک ائتمیشلر. 

ژورنالدا عکس اولونان مؤوضولار

ژورنالدا روسییانین (لئنین و کئرئنسکی‌نین تیمثالیندا) آذربایجانی ایشغال ائتمک نییّتلری، ائرمنی-داشناک سیلاحلی دسته‌لری‌نین زنگه‌زوردا و باکیدا تؤره‌تدیکلری سویقیریملاری و س. مسله‌لر شئعیر و پوبلیسیست یازیلاردا تنقید ائدیلیردی.[2]

منبع:

1. اوزئییر حاجی‌بیگوو ائنسیکلوپئدییاسی. باکی،2007. ص.213. 
2.‌ ولی‌یئو عاکیف عبدولعظیم اوغلو (اشیرلی). "آذربایجان مطبوعاتی تاریخی" (1875-1920)، باکی "عئلم و تحصیل" ،2009 – 130 ص. 
3.‌ ن.ن.زئینالوو "آذربایجان مطبوعات تاریخی" ،1. حیصه . باکی، 1973، آدو-نون نشریاتی

کؤچورن:عباس ائلچین


آچار سؤزلر : آذربایجان,