ائلچین

تورک دیلی و ادبیاتی

کرکوک جیناس بایاتیلاری

+0 بگندیم

کرکوک جیناس بایاتیلاری

  گؤزل آلما،  

  گؤزل گول، گؤزل آلما. 

  آلیرسان بیر اصیل آل 

  بد اصیل گؤزل آلما. 

   

  دولاندی گون، 

  دؤندو گون، دولاندی گون. 

  من سنه دالدالاندیم 

  سنه ده دولاندی گون. 

   

  یوخا چار، 

  کیمسه بولماز یوخا چار. 

  کیمین عئیبین وار اؤرتوب، 

  کیمین عئیبین یوخ آچار.  

   

  یارامی سن، 

  اویوبسان یارامی سن. 

  وار گونو یانیم آلدین 

  دار گونو یارامیسان. 

   

  کسر آیی، 

  گون چیخار، کسر آیی. 

  دئدیم چوخالت سئوگینی 

  دئمه‌دیم کَس آرایی. 

   

  کیم سَدات، 

  کیم طالیبدی، کیم سدات. 

  اولان منه اولوبدو 

  قوی ائتمه سین کیمسه داد. 

   

  گولوم من، 

  باغبانینام گولوم، من. 

  آغلاماغی بیلیرم 

  اؤیرت منی، گولوم من. 

   

  گونو داغلار، 

  آی چیخار، گونو داغلار. 

  آنادان آیری قالان 

  یئتیمی گونو داغلار. 

   

  اوز مننن، 

  رقیب شرین اوز مننن. 

  غم یاردان وفالیدی 

  هئچ چئویرمز اوز مننن. 

   

  راضی جان، 

  راضی طبیب، راضی جان. 

  بو دردی یار وئریبدی 

  نئجه اولماز راضی جان؟  

   

  گول اللر، 

  باغدا باغبان گول اللر. 

  دریاجا عاغلین اولسا 

  یوخسول اولسان گولللر. 

   

  یوز اوخو، 

  بیر یایی وار، یوز اوخو. 

  بیلنه بیر سؤز یئتر 

  بیلمیینه یوز اوخو. 

   

  بیر دنه دن، 

  بیر سونبول، بیر دنه دن. 

  من درتدن قورتولموشدوم 

  درد دؤندو بیر ده ندن؟ 

   

  غم داغیدیر، 

  گؤزللر غم داغیدیر. 

  ائنیشیم غم دره سی 

  چیخیشیم غم داغیدیر. 

   

  سورونه، 

  آردینداکی سورو نه؟ 

  منی یاردان آییران 

  سوروم-سوروم سورونه. 

   

  شیرین سن، 

  فرهاد منم، شیرین سن. 

  دونیانی گؤزل آلسا 

  گؤزومده سن شیرینسن. 

    کؤچورن: عباس ائلچین