آشیق عؤمر

آشیق عؤمر، قیربمین (كریمه نین) كئزلئو شهرینده و یا توركیه‌نین قونیه شهرینه باغلی اولان خادیم ماحالی‌نین گئزلئوی كندینده 1620-1621-1651 ایللرینده آنادان اولدوغو سؤیله‌نیلن ائل شاعیری‌دیر. اؤلوم تاریخی 1707 اولاراق روایتلرده گئچمیشدیر.

تانینمیش آشیق ادبیاتی شاعیرمیزین شئعیرلریندن اؤرنكلر وئریلیر:

۱ 

 شو قارشیدان گلن دیلبر 

  گلیر آما ندن سونرا 

  بیر سلاما قایل اولدوم 

  وئریر آما ندن سونرا 

   

 باخچادا آچیلان گوللر 

  دالیندا اؤتن بولبوللر 

  بیزی ذم‌ائیله‌ین دیللر 

  چورور آما ندن سونرا 

   

  گؤردوم یاریمین اوزونو 

  اؤپدوم دوستومون گؤزونو 

  آرادیم بولدوم ایزینی 

  بولدوم آما ندن سونرا 

   

  قولومدان اوچوردوم بازی 

  یئتر ائتدین مانا نازی 

 آشیق عؤمرین نییازی 

  گئچر آما ندن سونرا 

   

  2 

  بو گون من بیر گوزل گؤردوم 

  یاشیللار گئیمیش آغ اوزره 

  آغلیمی باشیمدان آلدی 

  دورابیلمم آیاغ اوزره 

   

  منی مست ائدن جامی‌دیر 

 قونچه گولون اَیامی‌دیر 

  هر بیری بیر حرامی‌دیر 

  كیرپیكلری قاپاغ اوزره 

   

  ماه جمالینه باخیلیر 

  من قولون یانیب یاخیلیر 

  سؤیله‌دیكجه بال تؤكولور 

  لبلریندن دوداغ اوزره 

   

  جمالی حوسنو آلیشان 

  اول یوسیف‌دن آلمیش نیشان 

  سییاه زولوفلر پریشان 

  تؤكولموش آل یاناغ اوزره 

   

  آشیق عؤمر گلدی ایسه 

حاق عینایت قیلدی ایسه 

  فرهاد داغی دلدی ایسه 

من قویام داغی داغ اوزره 

   

  3  

  آلا گؤزلرینه قوربان اولدوغوم 

  اوزونه باخماغا دویامادیم من

  عیبرت اوچون گلمیش دئرلر جهانا 

  نؤقته‌دیر بنلرین سایامادیم من 

   

  عئشقین آتشی‌دیر سینه‌می یاخان 

  لوطفونه ائررمی جؤورونو چكن 

  قوللارین بوینوما دولانمیش ایكن 

  سنی اؤپمگه قییامادیم من

   

  ترك ائیله‌دیم آغالاریم بیگلریم 

  بوزبولانیق سئللر كیمی چاغلاریم 

  آنین ایچون من آه ایدوب آغلاریم 

  آیریلیق اودونا دویامادیم من 

   

  قالدی دلی گؤنول قالدی هپ یاسدا 

  مؤولام ائردیر منی مورادا قاصدا 

  آشیق عؤمر اَیدور سئوگیلی دوستا 

  آللاها ایسمارلادیق دئیه‌مه‌دیم من 

 دؤزنله‌ین: عباس ائلچین