قازاقیستاندا بیر آلتین آدام داها تاپیلدی                                   

   داها دوغرو ایفاده ایله، بیر آلتین قادین، آلتین پرنسئس تاپیلدی. بیلیندیگی كیمی سون زامانلاردا قازاقیستاندا آلتین آدام تاپیلدیغی خبرلرینه تئز-تئز راست گلیریك. بو آلتین آداملار م.اؤ. دؤورلره ویا م.س. ایلك عصرلرده حؤكم سورموش ساكا و هون توركلرینه عاییددیر. چوخ ساییدا آلتین گئییملرله گؤمولموش بئله آلتین آداملارین تاپیلماسی، او دؤنمده توركلرین آتالاری‌نین مورفه بیر حیات یاشادیقلاری‌نین دلیلی ساییلمالی‌دیر.  

  بیلیندیگی كیمی، ایلك آلتین آدام 1970دا ائسیك كورقاندا تاپیلمیشدی. سون ایللرده قازاقیستاندا آپاریلان آركولوژیك قازینتی چالیشمالاریندا بئش-آلتی آلتین آدام داها تاپیلدیغی بیلینیر. آلتین گئییملری ایله گؤمولن بو اینسانلارین حؤكمدار عاییله‌سینه منسوپ پرنس ویا قاغانلار اولدوغو ایفاده ائدیلیر. فقط ایلك دفعه بیر آلتین پرنسئسین چیخدیغی بوگونكو (31 ماییس 2013) اگمن قازاقیستان قزئته‌سی‌نین خبرینده یئر آلیر. قزئته خبرینه گؤره، آلتین پرنسئس قازاقیستانین دوغو قازاقیستان ایالتینده اورژار ایلچه‌سی یاخینلاریندا تاس‌كسكن-باكتی داش یولو بویوندا لای‌بولاك و ژانا تیلئك كندلری‌نین آراسیندا قالان بیر بؤلگه‌ده تاپیلدی.  ائسیك كورقاندا تاپیلان آلتین آدام دا اولدوغو كیمی، آلتین آدامین باشلیغی و اوستونده‌كی  گئییمی سون درجه قورونموش بیر حالدا‌دیر. گئییملرین هامیسی آلتین ایشله‌مه‌لی‌دیر. پرنسئسین قولاقلارینداكی آلتین سیرغا‌سی، باشینداكی آلتین باشلیغی، قوچ بوینوزو موتیف ایشلمه‌لرینه باخیلیرسا، بو گونوموزدن 2500 ایل اؤنجه یاشامیش اولمالی‌دیر. اؤیرنجیلرین قازینتی چالیشمالارینا دانیشمانلیق ائدن سئمئی پداگوژی انستیتوسو مودیری پروفسور. دوكتور. آمانتای ایسااولی بو قونودا اگمن قازاقیستان قزئته‌سی موخبیری بئریك‌هان تایژیگیته وئردیگی بیلگیده  " تاپیلان آلتین آدام م.اؤ. V.-III  یوز ایللرده بورونج دؤورونه، حتا هون-سارمات دؤنملرینه قدر آپاریلا بیلیر "  دئدی.

  یارما شكلینده قازیلان مزارین چئوره‌سی و اوستو گئنیشلیگی 10-15 سانتیمتره قدر واراجاق بیر بیچیمده داشلارلا قاپاتیلمیشدیر. جنازه، باتی ایستیقامتینه دوغرو یاتیریلماقلا بیرلیكده، اوزو قوزئی‌یه دوغرو دؤندوروله‌رك دفن ائدیلمیش. جنازه‌نین آیاق طرفلرینده قویون سوموكلری ایله سرامیك و آغاجدان دوزلمیش قاپ-قاجاقلار، باش طرفینده ایسه اوووج ایچی قدر یووارلاق داشلار تاپیلدی. قازینتی چالیشمالارینا قاتیلان تئمیر سماگولوو بو داشلارین  " قوربانلیق داشلاری "  اولابیله‌جگینه ایشارت ائتدی. سماگولوو جنازه دفن ائدیلیركن بو داشلارین اوستونه یاغ قندیللری قونموش اولماسی‌نین مومكون اولدوغونو سؤیله‌دی. آیریجا مزارین قوزئی دوغو طرفینده‌كی چپری‌نین دیبینده ایكینجی مزارین یئر آلدیغی گؤرولدو. مزارداكی شخصین باشی و قولو كسیلمیشدی. بیلیم آداملاری‌نین یوروملارینا گؤره، بو شخصین پرنسئسین كؤله‌سی، بلكه‌ده ندیمه‌سی ایدی. ساكا قاغانی نین قیزی اولماسی بؤیوك ائحتیمال اولان بو آلتین آدامی اینجله‌ین بیلیم آداملاری اونا  " اورژار پرنسئسی "  اولاراق آد قویدولار. پروفسور. دوكتور. آمانتای ایسااولی قازاق بیلیم و كولتورونه بویوك بیر یئنی‌لیك گتیرن بو چوخ دگرلی تاپینتی‌نین تارباگاتایین گونئی‌ینده بیر سیاسی مركزین اولدوغونو اورتایا قویماقدا اولدوغونا دیققتی چكدی. دوغو قازاقیستاندا تاریخی و كولتور آچیسیندان چوخ زنگین میراثلارین یاتدیغینا گئچن ایل بو بؤلگه‌یه بیر چالیشما زیارتی گئرچكلشدیرن قازاقیستان كولتور و خبرلشمه باخانی موختار كول-موحاممد دیققتی چكمیشدی. قزئته موخبیری باخانین گئچن ایل  " بو بؤلگه سینیر بؤلگه سی اولدوغو اوچون چوخ آراشدیریلمادی. اینشاللاه بو بؤلگه‌ده بیزی بؤیوك كولتورل خزینه‌لر گوزله‌مكده‌دیر "  شكلینده كی  قونوشماسینی خاطیرلاتدی. قزئته موخبیری بئریك‌هان تایژیگیت یازیسینی بو سؤزلرله بیتیریر:  " موژده قازاق ائلی!   " اورژار پرنسئسی "  اولاراق آدلاندیریلان بو كولتور خزینه‌سی اسكی آتالاریمیزین سیرلرله دولو حیاتلارینی بوتون دونیایا تانیداجاقدیر. "

 بئریك‌هان تایژیگیت اگمن قازاقیستان قزئته‌سی‌نین 31 ماییس 2013 گونكو خبریندن شكیل‌لرله كؤچورن: عبدالوهاپ كارا

كؤچورن: عباس ائلچین