ائلچین ELÇİN

تورک دیلی و ادبیاتی

آذربایجانین ایلك خالق رسسامی : عظیم عظیم زاده

+0 بگندیم

آذربایجانین ایلك خالق رسسامی : عظیم عظیم زاده

      عظیم عظیمزاده 1880-جی ایلین آپرئل آییندا نووخانی كندینده آنادان اولموشدور. یارادیجیلیغی بویو عصرلردن بری فورمالاشان تبریز آذربایجان مینیاتور مكتبی نین و روس رسساملیق مكتبی نین عنعنه لریندن بهره لنمیشدیر. رسساملیغا مشهور  " موللا نصرالدین "  ژورنالیندا اؤز اثرلرینی درج ائتدیرمكله باشلامیشدیر. 1906-جی ایلدن  " موللا نصرالدین " ،  " بارابان " ،  " زنبور " ،  " طوطی " ،  " كل نیت "  و سایر ژورناللارین صحیفه لرینده ساتیریك قرافیك كاریكاتورالارینی نشر ائتدیرمكله آذربایجان ساتیریك قرافیكاسی نین اساسینی قویموشدور.  

      عظیم زاده نین اثرلری نین اساس مؤعوضوسونو سوسیال تضادلار، عادتلر و خالقین معیشتی تشكیل ائدیردی. جمعیتین موختلیف طبقه لری نین منفی عونصورلری - خسیس تاجیرلر، شارلاتانلار اونون ساتیریك قلمی نین هدفینده اولوردولار. 

  او، اؤز اثرلرینده منفی صورتلری گاه كسرلی یومور، گاه یومشاق كینایه ایله كسكین ساتیرا آتشینه توتوردو. چكدیگی  " ایت بوغوشدورما " ،  " كیشی آروادینی دؤیور " ،  " وارلی ائوینده توی " ،  " سو اوستونده داعوا " ،  " كؤهنه باكی لی لار "  كیمی اثرلرینده موختلیف سوسیال طبقه لره مخصوص تیپلرین ایچ اوزونو آچاراق عدالتسیزلییه قارشی چیخیش ائدیردی. بو معنادا، او دؤورده جمعیتده كی  سوسیال عدالتسیزلیكلری اؤزونده داها قاباریق عكس ائتدیرن  " كؤهنه باكی تیپلری "  و  " 100 تیپ "  اثری خوصوصیله تقدیره لاییقدیر. 

    ع.عظیم زاده ساتیریك شاعیر م.ه.صابیرین  " هوپ هوپ نامه " سینه چكدیگی ایللوستراسییالارلا كیتاب قرافیكاسی صنعتی نین ده اساسینی قویموشدور. اونون تئاترلارا چكدیگی گئییم ائسكیزلری و دئكوراسییالار آذربایجان رسساملیغی نین بو ساحه ده كی اینكیشافینا خوصوصی تكان وئرمیشدیر. اثرلری دونیانین بیر سیرا موزه لرینده نوماییش ائتدیریلن رسسامین ایلك فردی سرگیسی 1940-جی ایلده تشكیل اولونموشدور. باكیدا كئچیریلن بیرینجی سرگیده تاماشاچیلار رسسامین 1200-دن چوخ اثرینه تاماشا ائده بیلمیشلر. 1920-1943-جو ایللرده ه. عظیم زاده آذربایجان رسساملیق تئخنیكوموندا موعلیم، 1932-1937-جی ایللرده ایسه دیرئكتور اولموشدور. 

كؤچورن : عباس ائلچین

 قایناق : دگرلر

 

 İlk xalq rəssamı – dahi Əzim Əzimzadənin vəfat günüdür

İlk xalq rəssamı – dahi Əzim Əzimzadənin vəfat günüdür

İlk xalq rəssamı – dahi Əzim Əzimzadənin vəfat günüdür

İlk xalq rəssamı – dahi Əzim Əzimzadənin vəfat günüdür

رسیملری بؤیوك اؤلچوده گؤرمك اوچون اوزه رینده تیكله یین


آچار سؤزلر : آذربایجان,