+0 بگندیم
آذربایجان شاعیره‌سی: فاطما خانیم آنی
فاطما خانیم آنی (17. عصر، ایستانبول – 1710، یئنی‌شهر، بورسا ویلایتی) — 17-18. عصرلرده یاشامیش آذربایجان شاعیره‌سی.[1]
یاشامی
تبریزلی خواجه سعدالدین حسین‌جانین قیزی‌دیر. ایستانبولدا دوغولوب بؤیوموش و تحصیل گؤرموشدور. دئییلنه گؤره شعیر دیوانی وار ایمیش. فاطما خانیم آنی 1710-11-جی ایل‌لرده یئنی شهرده وفات ائتمیشدیر. شرقین مشهور قادین شاعیرلریندن بحث ائدن بوتون منبع‌لرده حاقیندا معلومات مؤوجوددور.
شعیرلریندن اؤرنک
فراموش ائتدی خئیلی دم منی یاد ائتمه‌دن قالدی،
منیم چوخ سئودیگیم محزونو، دیلشاد ائتمه‌دن قالدی.
نولا تعمیرینه قصد ائتمه‌سه شاهی-جهانبانیم،
بیلور کیم، خاطیری-ویرانیم آباد ائتمه‌دن قالدی.
قالیبدیر بحری-غمده دیل، فلک، یوخ ساحیلی-مقصود،
حئیف‌لر... روزیگاریم بانا ایمداد ائتمه‌دن قالدی.
دوشندن راهی-عشقی-یاره زار و ناتواندیر دیل،
سری-کویینده حالیم یاره فریاد ائتمه‌دن قالدی.
نئچون در پئی اولور آنی کی، حالی-قئیسی بیلمزمی؟
او بیماره یئتیردی کندینی ایرشاد ائتمه‌دن قالدی.
قایناق
Azərbaycan qadın şairləri antologiyası, "Avrasiya press", Bakı, 2005
کؤچورن : عباس ائلچین
