+0 بگندیم
هاحر تربیت
هاجر تربیت ( 1906 ایستانبول - 1974 تهران) - ایرانلی قادین حوقوق‌لاری مودافیعه‌چیسی و سیاستچیسی. 1963 -جو ایلده میلی شورا مجلیسینه سئچیلن ایلک قادین نوماینده‌لردن بیری ایدی . سککیز ایل سونرا، او سنا مجلیسینه سئچیلن ایلک قادین اولدو.
یاشاییشی
تربیت، 1906 -جی ایلده آناسی حسینقولو تربیتین ایران ائلچی‌لیگینده چالیشدیغی ایستانبولدا آنادان اولدو . اورتا تحصیلینی باشا ووردوقدان سونر ائلچی‌لیکده ایشله‌مگه باشلادی. ایستانبولدا یاشایارکن ائولندیگی محمدعلی تربییتله تانیش اولوب ایرانا کؤچدو، بورادا تربیت تبریزده مکتب مودیری اولدو .
1935-جی ایلده او تهراندا قادین‌لار اوجاغینی(کانون زنان) یاراتدی، [۱] و 1943-جو ایلده او، قادین پارتیاسی‌نین قوروجولاری‌نین آراسیندا ایدی. [۲]شاه خاریجی مکتب‌لرین ایرانلی‌لار طرفیندن ایداره اولونماسینی امر ائتدیکدن سونرا، آمریکالی نوربخش عالی مکتبین رهبری اولدو. داها سونرا مکتب موفتتیشی ایشله‌ییب، تهران موعلیم‌لر کالجینه رهبرلیک ائدیب و داخیلی ایشلر ناظیرلیگی‌نین سوسیال مسله‌لر ایداره‌سی‌نین باش دیرکتورو وظیفه‌سینده چالیشدی.[۳]
قادین‌لارا 1963 -جو ایلده سس‌وئرمه حوقوقو وئریلدی و همین ایل کئچیریلن پارلمان سئچکی‌لرینده تربیت، میلّی شورا مجلیسینه سئچیلن آلتی قادیندان بیری اولدو. [۱] 1967 - جی ایلده یئنیدن سئچیلدی . [۴]1971 سئچکی‌لرینده او سنا مجلیسینه سئچیلدی، او، ایراندا سئچیلن ایلک قادین سناتوردور. (اؤنجه‌کی قادین سناتورلار تعیین ائدیلمیشدیر). 1974 -جو ایلده اؤلدو. [۵]
اتک یازی‌لار
- Shireen Burki (2013) The Politics of State Intervention: Gender Politics in Pakistan, Afghanistan, and Iran, p217
- Women's Centre Foundation for Iranian Studies
- Mehri Bharier (1978) Forugh Farrokhzad: Persian poetness and feminist
- Lois Beck & Guity Nashat (2004) Women in Iran from 1800 to the Islamic Republic, p114
- Iranian Women’s Equality Calendar
چئویرن: عباس ائلچین
