جبران خلیل جبران - (1883-1931) – لوبنان  یازیچیسی، فیلوسوفو، رسامی دیر.  او، ییرمینجی یوزایلین دوغودا و باتیدا تانیمیش  عرب یازاری دیر.  یونئسكو  جبرانین 100 ایللیگی موناسیبتی ایله 1983-جو ایلی جبران ایلی اعلان ائتمیشدی.  

  كیتابلار: 

عاصی  روحلار ، سئوگی مكتوبلاری ، بیر داملا یاش و بیر گولومسه ییش ، دلی ، ارمیش ، دونیا تانریلاری ، ارمیشین  باخجاسی، فیرتانالار ، وادی نین پریلری ، یالواج ، سؤزلر ، اؤزومله قونوشمالار ، قابیقلار و اؤزلر ، اینسان اوغلو عیسی  ، گؤزلرین فلسفه سی ، گاوور خلیل و دلی ، گزگین ، كؤنول سیررلاری ، قوم و كؤپوك  

   اوشاقلاریمیز 

       اوشاقلارینیز سیزین اوشاقلارینیز دئییل. 

  اونلار اؤز یولونو ایزله ین حیاتین اوغوللاری و قیزلاری. 

       سیزین آراجیلیغینیزلا گلدیلر آما سیزدن گلمه دیلر 

  و سیزینله بیرلیكده اولسالار دا سیزین دئییللر. 

      اونلارا سئوگینیزی وئربیلیرسینیز، دوشونجه لرینیزی یوخ. 

  چونكو اونلارین دا اؤز دوشونجه لری واردیر. 

      بدنلرینی توتابیلیرسینیز، روحلارینی یوخ. 

  چونكو روحلار یاریندادیر، 

  سیز ایسه یارینی دوشلرینیزده بئله گؤرنمزسینیز. 

      سیز اونلار كیمی اولماغا چالیشابیلرسینیز، 

  آما ساقین اونلاری اؤزونوز كیمی اولماغا زورلامایین. 

  چونكو حیات گئرییه دؤنمز، دوننله ده بیر آلیش وئریشی یوخدور. 

      سیز یایسینیز، اوشاقلارینیز ایسه سیزدن چوخ ایلریلره آتیلمیش اوخلار. 

      اوخچو، سونسوزلوق یولونداكی هدفی گؤرور 

  و او اوجا گوجو ایله یایی اَیرك اوخون اوزاقلارا اوچماسینی ساغلار. 

      اوخچونون اؤنونده قیوانجلا اَییلین. 

      چونكو اوخچو، 

  اوزاقلارا گئدن اوخو سئودیگی قدر 

  باشینی دیمدیك توتاراق قالان یایی دا سئور. 

كؤچورن: عباس ائلچین