​

ساری عاشیغین بایاتی دونیاسی

ترانه واحد

آذربایجان عاشیق ادبیاتیندا قودرتلی سؤز صرافی، بایاتی اوستاسی کیمی آدینی تاریخین یادداشینا یازان ساری عاشیق او صنعتکارلارداندیر کی، هر بایاتی‌سی سؤز خزینه‌میزین قیزیل کرپیج‌لریندندیر و اونون زنگین ایرثی ایله هر خالق، هر میلت اؤیونه بیلر.

ایللرین، عصرلرین او اوزونده ساری عاشیق آدلی بیر حاق آشیغی یاشاردی. او دا بوتون بنده‌لر کیمی آللاهین وئردیگینه شوکور ائدر، صاباحدان اومید دیلردی. آنجاق یارادان اونو ایلاهی محبتله ایمتاحانا چکدی، عاشیق ناکام محبتدن کرپیج-کرپیج سؤز سارایی تیکدی.

من عاشیغام هاساری،

سینیق کؤنلوم هاساری.

عاشیق درددن ائو تیکمیش،

غمدن چکمیش حاصاری.

 ​

Türk Dövlətləri Təşkilatının himni necə olmalıdır?

Azərbaycan Yazıçılar Birliyinin sədr müavini, Mətbuat Şurasının sədri Rəşad Məcid bu günlərdə maraqlı təkliflə çıxış edib. O, sosial media paylaşımında Türk Dövlətləri Təşkilatının (TDT) himninin yaradılması ideyasını irəli sürüb. Bunun üçün Türk dövlətlərində müsabiqə elan edilməsinin zəruriliyini də qeyd edib. Təkliflə bağlı həm Azərbaycan, həm də digər Türk dövlətlərindən ziyalıların, mədəniyyət xadimlərinin fikirlərini öyrəndik.

Bəstəkar, Əməkdar artist Vüqar Camalzadə bildirib ki, bu, çox gözəl və həyata keçirilməsi vacib bir təklifdir: "Elə birliklər olub və var ki, onlar texniki və yaxud məcburi birliklərdir. Məsələn, keçmiş Sovet İttifaqı, yaxud Amerika Birləşmiş Ştatları, Avropa İttifaqı kimi birliklərin özlərinin himnləri olub və var. Avropa ölkələri Lüdviq van Bethovenin 9-cu simfoniyasının 4-cü hissəsindən "Sevinc odası"nı Avropa İttifaqının himni seçiblər. Yaxud Amerikanın, keçmiş Sovet İttifaqının himnləri birlik himnləridir, yəni bir ölkənin, xalqın himni deyil. Amma hələlik dildə, ürəklərdə və əməllərdə olan Turan birliyi, inşallah, yaxın gələcəkdə rəsmi bir birlik olar. Eyni millətin, bir neçə dövlətin yaradacağı birliyin ortaq dil parametrləri, ortaq musiqi intonasiya parametrləri nəzərə alınaraq, ortaq himni də olmalıdır. Mən çox böyük şərəf və məmnuniyyətlə bunun musiqi tərəfini işləməyə hazıram".