۲۰.نجی یوزایلین ان بؤیوك یازاری: جیمز جویس

 جیمز جویس (۱۸۸۲ - ۱۹۴۱) ایرلندلی  یازار. گتیردیگی آنلاتیم یئنیلیكلری ایله ۲۰. یوز ایل ادبییاتینی دریندن ائتكیله میشدیر. 

      جیمز جویس ، ۱۸۸۲ایلینده  دوبلین ده دوغولدو. ژوزیت اوخوللاریندا ائییتیم گؤردو؛ دوبلین ده كی  اونیورسیتی كالئجده فلسفه و مودئرن دیللر اوخودو. ۱۹۰۰ده، هنوز اونیورسیته اؤیرنجیسی ایكن ایبسن -ین اویونو اوزرینه قلمه آلدیغی اوزونجا یازی Fortnightly Review  درگیسینده یاییملاندی. 

      او سیرالار، داها سونرا Chamber Music (اوتاق موزیكی) آدلی كیتابدا توپلاناجاق اولان لئریك شئعیرلرینی یازماغا باشلادی. 1902ده دوبلیندن آیریلیب پاریسه گئتدی؛ آما ائرته سی ایل اؤلوم دؤشگینده كی  آناسینی زیارت  ائتمك اوچون تكرار ایرلنده دؤندو. ۱۹۰۴دن سونرا نورا بارنئیكل( Nora Barnacle  )ایله یاشاماغا باشلادی. ۱۹۰۵دن ۱۹۱۵- ه قدر تریسته ده یاشادیلار. ۱۹۰۶ یازیندا روما گئدن جویس تخمینن دوققوز آی بویونجا بیر بانكدا چالیشدی. رومدان سیخیلینجا ۱۹۰۷ قیشیندا تكرار تریسته یه دؤندو. تریسته ده Berlitz School دا اینگیلیزجه اؤیرتمنی اولدو . دوبلین لی لر، ۱۹۱۴ ایلینده اینگیلیسده یاییملاندی. جویس، ۱۹۱۵ده تك اویونو اولان سورگونلری یازدی. صنعتچی نین بیر گنج آدام اولاراق پورتره سی آدلی اوتوبییوگرافیك رومانی ۱۹۱۶ایلینده یاییملاندی. عینی ایل جویس و عاییله سی زوریخه داشیندی. 

      بؤیوك بیر یوخسوللوق ایچینده یاشادیقلاری زوریخده ان بؤیوك اثری اولان اولیس(Ulysses) اوزرینده چالیشدی و بو كیتاب  Little Review آدلی بیر آمریكا درگیسینده دیزی حالینده یاییملانماغا باشلادی. دیزیلشدیرمه ۱۹۱۸ده باشلادی، آنجاق كیتاب حاققیندا دعوا آچیلماسی ندنییله۱۹۲۰ده دیزییه آرا وئریلدی. اولیس كیتاب اولاراق ایلك كز ۱۹۲۲ده پاریسده باسیلدی. دوبلین ده گئچن۲۴ ساعاتی آنلاتان رومان هومئرین اودیسه سی اوزرینه قورولودور. بیر چوخ یئنی تئكنیكین قوللانیلدیغی رومان یایینلاندیغیندا بؤیوك یانكی اویاندیرمیشدیر. 

جویس، عاییله سی ایكی بؤیوك ساواش آراسیندا پاریسده قالدی. بو دؤنمده سون رومانی اولان فینیقئنلر اویانیشی(Finnegans Wake) اوزرینده چالیشدی. ۱۹۳۹دا فینیقئنلر اویانیشی باسیلدی. ۱۳اوجاق۱۹۴۱ده جیمز جویس اؤلدو. پورتره نین ایلك قارالاماسی استفئن هئرو یازارین اؤلوموندن سونرا، ۱۹۴۴ ایلینده باسیلدی. ایلك باسیمی بیرچوخ دیزگی یانلیشی ایچرن  " اولیس " ین اصلینه اویغون حالده باسیلماسی ۱۹۸۴ ایلینده گئرچكلشدی.

     اثرلری: 

  ·         دوبلین لی لر  

  ·         سورگونلر  

  ·         Giacomo Joyce

  ·         صنعتچی نین مكتوبلاری  

  ·         اوتاق موزیكی (شئعیرلر)  

  ·         صنعتچی نین بیر گنج آدام اولاراق پورتره سی  

  ·         اولیس  

  ·         فینیقئنلر اویانیشی 

 ** جیمز جویس-ون شئعیرلریندن اؤرنكلر**

 ائی یالنیز ایزله ییجیسی گؤی اوزونون، ائشیدیرسنمی ؟

ائی یالنیز ایزله ییجیسی گؤی اوزونون، ائشیدیرسنمی؟

هر شئیین یاتدیغی بو ساعاتدا

گون دوغومونون سولغون قاپیلاری آچیلسین دئیه

ائروسا یالواردیقلارینی گئجه نین

و ایچ چكیشلرینی حربلرین؟

ائی یالنیز، اویانیرسانمی هر شئی یاتاركن

ائشیتمك اوچون شیرین حربلرین تینیسینی

ائروسا خوش گلدین ماهنیسینی،

و گئجه كولگی نین ایلاهییله بیلدیردیگینی

بیتمه سینی گئجه نین؟

ائی گیزلنمیش حربلر، شیرین ایشیقلارین

گلیب گئتدیگی بو آندا

جنّتده كی یولو پاریلدایان ائروس اوچون سوردورون ماهنی نی،

یاییلسین شیرین و اویوملو مئلودییالار

تورپاغا و بولودا.

 

دینله جانان، دینله

دینله جانان، دینله

سئودیگی نین سسینی؛

اینسان اوزولمه لی

دوستلوق بیتدیگینده.

بیلمه لی كی اینسان

دوستلار گوونیلمز اولموش

و بوتون او سؤزلردن

گئرییه بیر آز كول قالمیش.

نه كی سارار بیری اونو

قاورایار یاواشجا

و یاتیرار اونو

آشان قوللاریندا.

تومبول آغ ممه لری

قاورایار اللری؛

آغریسی اولان

آوونچ تاپار موطلق.

 

 بوتون گون یاغدی یاغیش

بوتون گون یاغدی یاغیش

آه گل منه لادین آغاجلاری نین آراسیندان.

اینجه جیك اؤرتموش یارپاقلار

یولونو یادداشین.

یادداشین یولوندا دایانار

گئدریك سونرا

گل، سئویملی یار

اورگینه سسلنه بیله جگیم اورمانا.

شئعیرلری توركجه یه چئویرن‌:اسماعیل آكسوی

كؤچورن : عباس ائلچین