+0 بگندیم
بؤیوك تورك اوزانی : قاراجا اوغلان
۱۷. نجی یوزایلده یاشادیغی سانیلییر. گؤچبه توركمن اوبالاریندا یئتیشدی.اصیل آدی نین ایسماعیل، خلیل یا دا حسن اولدوغو یولوندا گؤروشلر وار. حتا عینی مخلصله شئعیرلر یازمیش بیرچوخ كاراجاوغلانین وارلیغی بیله ساوونولور. آحمد قودسی تجر و شوكرو ائلچینین آراشتدیرمالاری، یاشامی نین بؤیوك بؤلومونو رومئلینده گئچیرن و قانونی سولطان سولیمان دؤنمینده آووستوریا سفرینه قاتیلان بیر قاراجاوغلانین وارلیغینی اورتایا قویار. فواد كؤپرولو و جاهیت اؤزتئللی كیمی آراشدیرماجیلار دا، 17.نجی یوزایلدا یاشادیغینی ساوونور. بو آراشتیرماجیلارا گؤره قاراجاوغلان، شئعیرلرینده آبازا حسن پاشانین اؤلدورولمه سی، كؤپرولو فاضیل آحمد پاشانین آووستوریا سفری كیمی بو دؤنمه عاید تاریخسل اولایلاردان سؤز ائدر.
قاراجا اوغلانین شئعیری عشق و دوغا اوزرینده قورولودور. آیریلیق،غوربت، سیلا اؤزلمی و اؤلوم ان چوخ دئییندیگی قونو لاردیر. شئعیرلرینده سیخجا آدلاری گئچن الیف، زینب و ایسمیكان آدلی قادینلارین سئوگیلیلری اولدوغو سانیلیر. دویغولارینی، یاشادیقلارینی، دوشونجه لرینی ایچدن، گئرچكچی و اؤزگون بیر شئعیر یاپیسی ایچینده آنلادیر.
قاراجا اوغلان، تورك آشیق ادبییاتینا یئپ یئنی بیر سؤیله ییش بیچیمی گتیردی. دوغا بنزتمه لرینی سیخ سیخ قوللانیر. چوخ یالین و تمیز بیر توركجه قوللانیر. اؤزوندن سونرا گلن بیرچوخ اوزانی دریندن ائتكیله دی. بو اولوملو ائتكیلر گونوموز تورك شئعیرینه قدر اوزانیر. شئعیرلرینی ایلك كز نوذهت ارقون درله ییب یایینلادی. جاهید اؤزتئللی نین قاراجا اوغلان-بوتون شئعیرلری آدلی درله مه سی ده اؤنملی قاراجا اوغلان آراشدیرمالاریندان. بیرچوخ شئعیری بسته لندی.
آلا گؤزلوم من بو ائلدن گیدرسم
آلا گؤزلوم من بو ائلدن گیدرسم
زولفو پریشانیم قال ملول ملول
كرم ائت آغلیندان چیخارما منی
آغلا گؤزیاشینی سیل ملول ملول
یئیین ائی سئودیگیم سن سنی دوزت
قارانی باغلا دا بیاضی چؤز آت
دولدور وئر باده نی بیر داها اوزات
آیریلیق شربتین وئر ملول ملول
الوان چیچكلردن سوخما باشینا
قودرت قلمینی چكمه قاشینا
منی اونوتورسان دویما یاشینا
گز منیم عشقیمله یار ملول ملول
قاراجا اووغلان دئر كی اؤلوب اؤلونجه
من ده گؤزل سئودیم كندی حالیمجه
واریب غوربت ائله واصیل اولونجا
دوستلاردان خبریم آل ملول ملول
كؤچورن : عباس ائلچین
