+0 بگندیم
دونیادا اینساندان چوخ آخماق وار
اینسانلار آخماق یوخ، معلوماتسیز دوغولور؛ سونرادان تربییه ائدیله‌رك آخماق اولورلار. (بئرتراند راسئلل)
بیلمه‌ین و بیلمه‌دیگینی بیلن - اوشاقدیر؛ اونا اؤیره‌دین. بیلن و بیلدیگینی بیلمه‌ین - یوخودادیر؛ اونو اویادین. بیلن و بیلدیگینی بیلن - لیدئردیر؛ اونون آرخاسینجا گئدین. بیلمه‌ین و بیلمه‌دیگینی بیلمه‌ین - آخماقدیر؛ اوندان اوزاق دورون. (كوْنفۇتسی)
دونیادا اینساندان چوخ آخماق وار. (هئنریخ هئینئ)
+0 بگندیم
محمد امین رسولزاده ایله ستارخانین تاریخی گؤروشو
دوسئنت دوكتور فایق علی‌اكبراوو (غضنفر اوغلو)
ییرمینجی عصرین اوّللرینده ایراندا باش وئرن حادیثه‌لری، خوصوصیله مشروطه حركاتینی " ایران ایشلری " باشلیغی آلتیندا سیلسیله مقاله‌لرله دَیرلندیرن محمد امین رسولزاده‌نین بو مسله‌لرده آچیق‌فیكیرلی، آزادلیق‌سئور، اوبیئكتیو فیكیرلرینی گؤرمه‌مك مومكون دئییلدیر. بئله كی، او، 1906-جی ایلده ایراندا باش وئرن اینقیلابی حادیثه‌لری موثبت قییمتلندیریر و قیسا بیر زامان كسیگینده ایراندا " عدالتخانا " مجلیسی‌نین آچیلماسینی موهوم بیر ایش كیمی قییمتلندیریردی. اونون فیكرینجه، حرّّیت، آزادلیق و سربست‌لیك قیمت‌سیزدیر كی، ایراندا باش وئرن اینقیلاب دا بونونلا باغلیدیر. ایراندا حرّیتین باش وئرمه‌سینه هئچ كسین اینانمادیغینی، " چوخلاری، بو میلّت اؤلدو دخی دیریلمز " دئییب، - دوردوغو فیكرینی وورغولایان رسولزاده قئید ائدیردی كی، اصلینده ایران خالقلارینا بو جور یاناشماق دوزگون دئییل.
